«Ливерпул»нинг собиқ футболчиси Жейми Каррагер Гарри Магуайрнинг муаммолари ҳақида гапирди.
Эслатиб ўтамиз, «Манчестер Юнайтед» ҳимоячиси ва сардори жорий мавсумдаги ўйинлари учун мунтазам равишда танқид қилинмоқда. «Уэмбли»да бўлиб ўтган Англия терма жамоасининг ўртоқлик учрашувида маҳаллий мухлислар Магуайрга нисбатан хуштакбозлик қилишди.
"Магуайрнинг муаммоси - унинг "Манчестер Юнайтед" кийиниш хонасида ўзига бўлган ҳурмати йўқлигидадир. Ўтган ёзда Роналду келганидан кейин улардан қайси бири сардор бўлиши кераклиги ҳақида баҳслар бўлганди. Магуайр ўзининг етакчилик мақомини тасдиқлаш ўрнига муваффақиятсизликка учради ва бу унинг ўйинларига салбий таъсир қилди", деди Каррагер The Telegraph билан суҳбатда.
