Argentina terma jamoasining sobiq hujumchisi Gabriel Batistuta moliyaviy muammolarga duch keldi.

Clarin nashri ma’lumotlariga ko‘ra, uning bank hisoblari muzlatilgan, Argentinadagi qimmatli qog‘ozlari va ko‘chmas mulklariga taqiq qo‘yilgan.

U umumiy qiymati salkam 4 million peso soliq to‘lashdan bo‘yin tovlaganlikda ayblanmoqda. U soliq to‘laganida, jarima ham to‘lashi kerak bo‘ladi. Bu umumiy summaning 15 foizi hisoblanadi. Bundan tashqari, ijtimoiy soliqlar ham bor.

Argentina pandemiya davrida badavlat fuqarolar uchun maxsus ijtimoiy soliq joriy qildi.

2019 yilda Argentina terma jamoasining sobiq hujumchisi Gabriel Batistuta to‘pig‘ida yuzaga kelgan muammo sababli, protez qo‘ydirgandi.

Batistuta Yevropada Italiyaning «Fiorentina», «Roma» va «Inter» klublarida o‘ynagan. Terma jamoa tarkibida 77 ta o‘yin o‘tkazib, 54 ta gol urgan, ikki marta Amerika kubogini, bir marta Konfederasiyalar kubogini qo‘lga kiritgan.