Chili terma jamoasi bosh murabbiyi Martin Lesarte yaqin orada o‘z lavozimini tark etadi. Bunga terma jamoaning JCH-2022 yo‘llanmasini qo‘lga kiritmagani sabab bo‘ldi.
Jurnalist Sezar Luis Merloning Twitter sahifasidagi xabariga ko‘ra, bu haqda yaqin kunlarda rasman e’lon qilinadi. Murabbiyga hech qanday kompensasiya to‘lash shart emas.
Ma’lumot uchun, Lasarte bilan shartnoma jahon chempionatiga saralash bosqichi oxirigacha tuzilgan.
Shu bois, manbaga ko‘ra, mutaxassisning yil oxirigacha vaqtinchalik lavozimda qolishi ehtimoli istisno etilmagan.
Eslatib o‘tamiz, 61 yoshli Lasarte 2021 yilning fevralidan beri Chili terma jamoasini boshqarib kelmoqda.
