Чили терма жамоаси бош мураббийи Мартин Лесарте яқин орада ўз лавозимини тарк этади. Бунга терма жамоанинг ЖЧ-2022 йўлланмасини қўлга киритмагани сабаб бўлди.
Журналист Сезар Луис Мерлонинг Twitter саҳифасидаги хабарига кўра, бу ҳақда яқин кунларда расман эълон қилинади. Мураббийга ҳеч қандай компенсация тўлаш шарт эмас.
Маълумот учун, Ласарте билан шартнома жаҳон чемпионатига саралаш босқичи охиригача тузилган.
Шу боис, манбага кўра, мутахассиснинг йил охиригача вақтинчалик лавозимда қолиши эҳтимоли истисно этилмаган.
Эслатиб ўтамиз, 61 ёшли Ласарте 2021 йилнинг февралидан бери Чили терма жамоасини бошқариб келмоқда.
