«Liverpul» yarim himoyachisi Tiago Alkantara aprel oyida bo‘lib o‘tadigan o‘yinlar haqida o‘z fikrini bildirdi.

Eslatib o‘tamiz, "mersisaydliklar" aprel oyida APL doirasida «Uotford», «Manchester Siti», «Manchester Yunayted» va «Nyukasl» jamoalariga qarshi o‘ynaydi.

Shuningdek, «qizillar» Chempionlar ligasi chorak finalida «Benfika»ga qarshi va Angliya kubogi yarim finalida «Manchester Siti»ga qarshi bahs olib boradi.

“Yaqinda men do‘stlarim bilan suhbatlashdim va men faoliyatimda hech qachon mavsumning qaysidir qismini bunchalik intiqlik bilan kutmaganman degan xulosaga keldim. Biz har uch kunda eng muhim o‘yinlarni o‘tkazamiz va bu ajoyib", - dedi futbolchi Liverpool Echo.