«Ливерпуль» ярим ҳимоячиси Тиаго Алькантара апрель ойида бўлиб ўтадиган ўйинлар ҳақида ўз фикрини билдирди.
Эслатиб ўтамиз, "мерсисайдликлар" апрель ойида АПЛ доирасида «Уотфорд», «Манчестер Сити», «Манчестер Юнайтед» ва «Ньюкасл» жамоаларига қарши ўйнайди.
Шунингдек, «қизиллар» Чемпионлар лигаси чорак финалида «Бенфика»га қарши ва Англия кубоги ярим финалида «Манчестер Сити»га қарши баҳс олиб боради.
“Яқинда мен дўстларим билан суҳбатлашдим ва мен фаолиятимда ҳеч қачон мавсумнинг қайсидир қисмини бунчалик интиқлик билан кутмаганман деган хулосага келдим. Биз ҳар уч кунда энг муҳим ўйинларни ўтказамиз ва бу ажойиб", - деди футболчи Liverpool Echo.
