«PSJ» yarim himoyachisi Marko Verratti jamoasining Fransiya chempionati doirasidagi «Loryan»ga qarshi navbatdagi o‘yinini o‘tkazib yuborishi mumkin.

«PSJ» klubi insayderi Adriyen Grenyening so‘zlariga ko‘ra, italiyalik futbolchi terma jamoa joylashgan bazada jarohat olgan.

Qayd etilishicha, ushbu bahsni «PSJ»ning boshqa bir futbolchisi Abu Diallo ham o‘tkazib yuborishi mumkin.

Eslatib o‘tamiz, Fransiya chempionatining so‘nggi turida «PSJ» safarda «Monako»ga yirik 0:3 hisobida imkoniyatni boy bergan edi. Endilikda Parij klubi «Marsel»dan 12 ochko farq bilan turnir jadvalida peshqadamlik qilmoqda.