Area Napoli portali xabariga ko‘ra, Londonning «Arsenal» klubi gruziyalik yarim himoyachi Xvicha Kvarasxeliya uchun kurashga qo‘shildi.

So‘nggi ma’lumotlarga ko‘ra, Kvarasxeliya «Rubin» bilan shartnomani bekor qildi va mavsumni Batumining «Dinamo» jamoasi safida yakunlaydigan bo‘ldi.

Avvalroq yarim himoyachi bilan Italiyaning «Napoli» klubi shaxsiy shartnoma shartlarini borasida kelishib olgani haqida xabar berilgandi. Endi futbolchining transferi bilan "Dinamo" (Batumi) klubi vakillari shug‘ullanadi.

Joriy mavsumda futbolchi RPLda 19 ta o‘yinda maydonga tushib, 2 ta gol urdi va 4 ta golli uzatmani amalga oshirdi. Transfermarkt portali xabariga ko‘ra, futbolchining transfer narxi 16 million yevroni tashkil qiladi.