Germaniyalik yarim himoyachi Mesut O‘zil «Fenerbaxche» jamoasida qolishga qaror qildi.

AS xabariga ko‘ra, 33 yoshli germaniyalik futbolchi va bosh murabbiy o‘rtasida yuzaga kelgan kelishmovchilik sababli, mashg‘ulotlardan chetlatilgandi, shunga qaramay futbolchi jamoadan ketish niyatida emas.

O‘zilning «Fenerbaxche» bilan shartnomasi 2024 yilning iyunigacha amal qiladi. Nemis futbolchisi jamoadagi vaziyat tez orada o‘zgarishiga umid qilmoqda.

Eslatib o‘tamiz, joriy mavsum Mesut O‘zil Turkiya chempionatida 22 ta o‘yinda maydonga tushib, 8 ta gol va 2 ta golli uzatmaga mualliflik qilgan.