Германиялик ярим ҳимоячи Месут Ўзил «Фенербахче» жамоасида қолишга қарор қилди.
AS хабарига кўра, 33 ёшли германиялик футболчи ва бош мураббий ўртасида юзага келган келишмовчилик сабабли, машғулотлардан четлатилганди, шунга қарамай футболчи жамоадан кетиш ниятида эмас.
Ўзилнинг «Фенербахче» билан шартномаси 2024 йилнинг июнигача амал қилади. Немис футболчиси жамоадаги вазият тез орада ўзгаришига умид қилмоқда.
Эслатиб ўтамиз, жорий мавсум Месут Ўзил Туркия чемпионатида 22 та ўйинда майдонга тушиб, 8 та гол ва 2 та голли узатмага муаллифлик қилган.
