Germaniya terma jamoasi bosh murabbiyi Xans-Diter Flik JCH-2022 guruh bosqichi qur’a natijalariga izoh berdi. Germaniya Ispaniya, Yaponiya hamda Kosta-Rika va Yangi Zelandiya o‘rtasidagi pley-off g‘olibi bilan o‘ynaydi.
“Bu oson vazifa bo‘lmaydi, ammo turnir oldidan oldimizga katta maqsadlar qo‘yganmiz. Biz yo‘limizdan kelgan har qanday narsani qabul qilishimiz kerak. Bu barchamiz uchun hayajonli va qiziqarli guruh.
Yaponiya har doim jahon chempionatlarida qatnashadigan jamoa. Ularda Bundesligada o‘ynaydigan futbolchilar ko‘p, shuning uchun ularning saviyasi yuqori. To‘g‘risini aytsam, Yaponiyaga qarshi o‘rtoqlik o‘yini tashkil qilmoqchi edik, lekin, albatta, hozir buning iloji yo‘q.
Kosta-Rika 2006 yildagi ochilish o‘yinida bizga raqib bo‘lgan va o‘sha o‘yinni yaxshi eslab qolganmiz. Barcha jamoalar rivojlangan, barcha jamoalarda o‘ziga xos narsa bor. Biz faqat pley-offga chiqishimizga ishonch hosil qilishimiz kerak», - dedi Flik Germaniya futbol assosiasiyasi matbuot xizmatiga.
