Германия терма жамоаси бош мураббийи Ханс-Дитер Флик ЖЧ-2022 гуруҳ босқичи қуръа натижаларига изоҳ берди. Германия Испания, Япония ҳамда Коста-Рика ва Янги Зеландия ўртасидаги плей-офф ғолиби билан ўйнайди.
“Бу осон вазифа бўлмайди, аммо турнир олдидан олдимизга катта мақсадлар қўйганмиз. Биз йўлимиздан келган ҳар қандай нарсани қабул қилишимиз керак. Бу барчамиз учун ҳаяжонли ва қизиқарли гуруҳ.
Япония ҳар доим жаҳон чемпионатларида қатнашадиган жамоа. Уларда Бундеслигада ўйнайдиган футболчилар кўп, шунинг учун уларнинг савияси юқори. Тўғрисини айтсам, Японияга қарши ўртоқлик ўйини ташкил қилмоқчи эдик, лекин, албатта, ҳозир бунинг иложи йўқ.
Коста-Рика 2006 йилдаги очилиш ўйинида бизга рақиб бўлган ва ўша ўйинни яхши эслаб қолганмиз. Барча жамоалар ривожланган, барча жамоаларда ўзига хос нарса бор. Биз фақат плей-оффга чиқишимизга ишонч ҳосил қилишимиз керак», - деди Флик Германия футбол ассоциацияси матбуот хизматига.
