«Barselona» himoyachisi Serji Robertoning agenti Xosep Mariya Orobitg o‘z mijozi va klub o‘rtasida o‘tkazilayotgan muzokara borasida o‘z fikrini bildirib o‘tdi.

"Laportaning Roberto haqidagi bayonoti haqiqatga mos kelmaydi. Yagona taklif futbolchining o‘ziga berildi. Hech kim bizga 3 marta taklif bermadi. Avgust oyida klub juda past taklif berdi, keyin esa Serji va Laporta o‘rtasida uchrashuv bo‘lib o‘tdi va unda taklif bildirildi. O‘sha yagona uchrashuv dekabr oyida emas, 9 sentyabr kuni bo‘lib o‘tdi. Unda kelishuvga erishilmadi. Keyin esa ular bizga hujjat yuborishdi. Unda esa biz muhokama qilgan narsalar yo‘q edi.

Biz tomondan berilgan uchrashuv haqidagi takliflar esa qayta-qayta inkor etildi. Mateu Alemani bilan muzokaralarda esa hech qanday o‘zgarish sezilmadi. Chunki u bu prezidentning ishi ekanini aytdi. Shu paytgacha boshqa hech qanday taklif berilmadi", - dedi Xosep Mariya.