Angliya Premyer-Ligasi tanaffusdan so‘ng yana qaytmoqda.
Bugun Toshkent vaqti bilan 16:30da «Liverpul» va «Uotford» jamoalari o‘rtasidagi bahs bilan Angliya chempionati 31-tur uchrashuvlariga start beriladi.
Mazkur bahs boshlanishiga ham oz qoldi. Asosiy tarkiblar ma’lum qilinguniga qadar bir qancha qiziqarli ma’lumotlarni sizga taqdim etamiz.
Bilasizmi?
Bugun «Liverpul» 3 ochko qo‘lga kiritsa yoki durang natija qayd etsa, bugun «Siti» va «Byornli» uchrashuvi boshlanguniga qadar Angliya chempionati jadvalida yetakchiga aylanib oladi.
Ayni vaqtda «Liverpul» va "Manchester Siti" jamoalari 29 uchrashuvdan keyin mos ravishda 69 hamda 70 ochko jamg‘arishgan. To‘plar nisbatiga ko‘ra ustunlik mersisaydliklar tomonida.
«Liverpul»ning ayni vaqtdagi asosiy yulduzi Muhammad Salah APL doirasidagi «Uotford»ga qarshi 7 bahsda 11 golda ishtirok etgan (9 gol va 2 assist). Misrlik vinger «sariqlar»ga qarshi har 57 daqiqada gol yoki assisy qayd etmoqda. Bu musobaqa tarixida bir raqibga qarshi bahsda (kamida 600 daqiqa o‘yin) eng sermahsul to‘rtinchi natija hisoblanadi. Statistikaga nazar soladigan bo‘lsak, Salah «Uotford» uchun eng noqulay va xavfli futbolchi hisoblanadi.
«Uotford» klubi Roy Xojson boshqaruvidagi 6 APL safar o‘yinida 8 ochko jamg‘ardi (ikkitadan g‘alaba, durang va mag‘lubiyat). Bu ularning musobaqadagi oldingi 17 safar bahsida qayd etgan natijasi bilan bir xil (2 g‘alaba, 2 durang, 13 mag‘lubiyat). Jamoa o‘tgan turda «Sautgempton»ni 2:1 hisobida mag‘lub etdi, ammo 2017 yilning sentyabr (qatorasiga uchta g‘alaba) oyidan beri ketma-ket APL safar bahslarida g‘alaba qozona olmayapti.
«Uotford» o‘yinchisi Kucho Ernandes Premyer-Liga doirasidagi so‘nggi 3 uchrashuvida 4 golda bevosita qatnashdi. Bu uning musobaqadagi dastlabki 19 o‘yinda qayd etgan natijasidan (2 gol va 1 assist) ko‘proq degani.
Bahs rasmiylari
Bugungi uchrashuvni Styurat Atuell boshchiligidagi hakamlar brigadasi boshqarib boshqarib borishadi.
Bosh hakam: Styuart Atuell
Qanot hakamlari: Mark Perri, Timoti Vud
Zaxira hakami: Toni Xarrington
VAR: Jon Bruks
VAR yordamchisi: Saymon Bennet
Jamoalarning Angliya chempionati doirasdagi oxirgi 5 uchrashuvida «Liverpul» 4 marotaba g‘alaba qozongan va bitta bahsda imkoniyatni boy berib qo‘ygan. O‘sha o‘yin 2020 yilning 29 fevral kuni o‘tkazilgandi.
16.10.2021
«Uotford» 0:5 «Liverpul»
29.02.2020
«Uotford» 3:0 «Liverpul»
14.12.2019
«Liverpul» 2:0 «Uotford»
27.02.2019
«Liverpul» 5:0 «Uotford»
24.11.2018
«Uotford» 0:3 «Liverpul»
«Uotford» 29 bahsdan keyin 22 ochko to‘plagan holda APL jadvalining 18-o‘rnida bormoqda.
