«Inter» bosh murabbiyi Simone Indzagi jamoasining «Yuventus»ga qarshi o‘yini haqida gapirdi. Uning ta’kidlashicha, bo‘lajak uchrashuvda natija uning jamoasi uchun muhim.

«Juda muhim o‘yin, lekin bu o‘zimizga bog‘liq. Qo‘limizdan keladigan hamma narsani qilishimiz va o‘z xarakterimizni ko‘rsatishimiz kerak. Shundagina chempionlik uchun kurashishimiz mumkin.

«Inter» bu mavsumda ko‘p ochko yo‘qotmoqda, ammo buni tuzatishga hali kech emas. «Yuve»ga qarshi tajovuzkor o‘ynash kerak.

Bo‘lajak o‘yinda asosiysi natija. Oxirgi paytlarda ochko olishda qiynalmoqdamiz, ammo biz g‘alaba qozonishni istaymiz», - deydi Indzagi.