«Интер» бош мураббийи Симоне Индзаги жамоасининг «Ювентус»га қарши ўйини ҳақида гапирди. Унинг таъкидлашича, бўлажак учрашувда натижа унинг жамоаси учун муҳим.
«Жуда муҳим ўйин, лекин бу ўзимизга боғлиқ. Қўлимиздан келадиган ҳамма нарсани қилишимиз ва ўз характеримизни кўрсатишимиз керак. Шундагина чемпионлик учун курашишимиз мумкин.
«Интер» бу мавсумда кўп очко йўқотмоқда, аммо буни тузатишга ҳали кеч эмас. «Юве»га қарши тажовузкор ўйнаш керак.
Бўлажак ўйинда асосийси натижа. Охирги пайтларда очко олишда қийналмоқдамиз, аммо биз ғалаба қозонишни истаймиз», - дейди Индзаги.
