Kataloniyaning «Barselona» Ispaniya chempionatining 30-turida «Sevilya» jamoasini mag‘lub etdi (1:0) va turnir jadvalining ikkinchi pog‘onasiga ko‘tarilib oldi.

Ayni paytda "ko‘k-anorranglilar" hisobida 57 ochko bor. «Atletiko» va «Sevilya» jamoalarida ham xuddi shuncha ochko mavjud, ammo «Barselona» qo‘shimcha ko‘rsatkichlar bo‘yicha ularni ortda qoldirmoqda.

Shu bilan birga, Xavi jamoasining bu ikki raqibi 30tadan, kataloniyaliklar esa 29tadan o‘yin o‘tkazishgan.

«Real» jamoasi ham 30 ta o‘yin o‘tkazib, 69 ochko jamg‘argan holda turnir jadvalini boshqarib bormoqda.