Каталониянинг «Барселона» Испания чемпионатининг 30-турида «Севилья» жамоасини мағлуб этди (1:0) ва турнир жадвалининг иккинчи поғонасига кўтарилиб олди.
Айни пайтда "кўк-анорранглилар" ҳисобида 57 очко бор. «Атлетико» ва «Севилья» жамоаларида ҳам худди шунча очко мавжуд, аммо «Барселона» қўшимча кўрсаткичлар бўйича уларни ортда қолдирмоқда.
Шу билан бирга, Хави жамоасининг бу икки рақиби 30тадан, каталонияликлар эса 29тадан ўйин ўтказишган.
«Реал» жамоаси ҳам 30 та ўйин ўтказиб, 69 очко жамғарган ҳолда турнир жадвалини бошқариб бормоқда.
