"Bavariya" hujumchisi Serj Gnabri yozda "Real", "Liverpul" yoki "Yuventus"ga o‘tishi mumkin, deya xabar beradi Goal.

Manbaga ko‘ra, Madrid klubi so‘nggi besh yil davomida futbolchini kuzatib kelgan. Shuningdek, Gnabriga "Liverpul" ham qiziqish bildirmoqda, uning bosh murabbiyi Yurgep Klopp 26 yoshli futbolchining ashaddiy muxlisi hisoblanadi.

Bundan tashqari, Gnabriga "Yuventus" qiziqmoqda, ular germaniyalik futbolchini shartnomasi tugashiga bir yil qolganda, 2022 yilning yozida ijaraga olish imkoniyatini ko‘rib chiqmoqda. Qayd etilishicha, "Bavariya" va Gnabri yangi shartnoma imzolash borasida kelisha olmayapti.

Transfermarkt xabariga ko‘ra, futbolchining bozor narxi 70 million yevroni tashkil qiladi.

2021/22 yilgi mavsumda Gnabri barcha musobaqalarda 37 ta o‘yinda maydonga tushib, 14 ta gol urdi va 10 ta golli uzatmani amalga oshirdi.