«Chelsi» himoyachisi Markos Alonso «Atletiko»ga o‘tishi mumkin. Bu haqda ESPN xabar bermoqda.
Manbaga ko‘ra, «ko‘klar» chap qanot himoyachisi anchadan beri Diyego Simeone uchun asosiy nomzodlar ro‘yxatidan joy olgan.
Uning shartnomasi 2023 yilda tugaydi va «Chelsi» futbolchining tekinga ketish xavfidan qochish uchun shu yozda bu transferni amalga oshirishi mumkin.
2016 yilning yozida Alonso Italiyaning «Fiorentina» klubidan 23 million yevro evaziga «Chelsi»ga o‘tgan edi.
Bu vaqt ichida Markos londonliklar bilan chempionat g‘olibligi va Angliya kubogi, Chempionlar ligasi, Yevropa ligasi va UYEFA Superkubogi, shuningdek, klublar o‘rtasidagi jahon chempionatida g‘alaba qozondi.
