«Челси» ҳимоячиси Маркос Алонсо «Атлетико»га ўтиши мумкин. Бу ҳақда ESPN хабар бермоқда.
Манбага кўра, «кўклар» чап қанот ҳимоячиси анчадан бери Диего Симеоне учун асосий номзодлар рўйхатидан жой олган.
Унинг шартномаси 2023 йилда тугайди ва «Челси» футболчининг текинга кетиш хавфидан қочиш учун шу ёзда бу трансферни амалга ошириши мумкин.
2016 йилнинг ёзида Алонсо Италиянинг «Фиорентина» клубидан 23 миллион евро эвазига «Челси»га ўтган эди.
Бу вақт ичида Маркос лондонликлар билан чемпионат ғолиблиги ва Англия кубоги, Чемпионлар лигаси, Европа лигаси ва УЕФА Суперкубоги, шунингдек, клублар ўртасидаги жаҳон чемпионатида ғалаба қозонди.
