«PSJ» va Fransiya terma jamoasi hujumchisi Kilian Mbappe o‘zini dunyoning eng yaxshi futbolchisi deb bilishi haqidagi fikrlari bilan o‘rtoqlashdi.

“Men har doim dunyoning eng yaxshi futbolchisi bo‘lishni xohlaganman. Men dunyoning eng yaxshi futbolchisiman desam, biroz manmanlik bo‘ladi. Balki shundaydir yoki balki yo‘qdir. Odamlar shunday deyishadi. Agar siz eng zo‘r bo‘lsangiz, bu haqda o‘zingiz gapirishingiz shart emas. Maydonda nimaga qodir ekanligimni ko‘rsatishga harakat qilaman. Agar odamlar meni eng zo‘r deb hisoblasa, yanada yaxshi. Aks holda, bundan hech kim o‘lmaydi», - dedi Mbappe Culture PSG bilan suhbatda.

2021/22 yilgi mavsumda 23 yoshli fransiyalik futbolchi «PSJ» safida 38 ta o‘yinda maydonga tushib, 28 ta gol urdi va 20 ta golli uzatmani amalga oshirdi. Mbappening parijliklar bilan shartnomasi 2022 yilning yozida yakuniga etadi.

Transfermarkt Mbappeni 160 million yevroga baholamoqda.