«ПСЖ» ва Франция терма жамоаси ҳужумчиси Килиан Мбаппе ўзини дунёнинг энг яхши футболчиси деб билиши ҳақидаги фикрлари билан ўртоқлашди.

“Мен ҳар доим дунёнинг энг яхши футболчиси бўлишни хоҳлаганман. Мен дунёнинг энг яхши футболчисиман десам, бироз манманлик бўлади. Балки шундайдир ёки балки йўқдир. Одамлар шундай дейишади. Агар сиз энг зўр бўлсангиз, бу ҳақда ўзингиз гапиришингиз шарт эмас. Майдонда нимага қодир эканлигимни кўрсатишга ҳаракат қиламан. Агар одамлар мени энг зўр деб ҳисобласа, янада яхши. Акс ҳолда, бундан ҳеч ким ўлмайди», - деди Мбаппе Culture PSG билан суҳбатда.

2021/22 йилги мавсумда 23 ёшли франциялик футболчи «ПСЖ» сафида 38 та ўйинда майдонга тушиб, 28 та гол урди ва 20 та голли узатмани амалга оширди. Мбаппенинг парижликлар билан шартномаси 2022 йилнинг ёзида якунига этади.

Transfermarkt Мбаппени 160 миллион еврога баҳоламоқда.