Ispaniyaning «Vilyarreal» bosh murabbiyi Unai Emeri «Nyukasl» jamoasini boshqarishga yaqin kelganini aytdi. Mutaxassis faoliyatini davom ettirish uchun bunday variantni jiddiy ko‘rib chiqqanini, ammo keyinchalik Ispaniyada qolishga qaror qilganini esladi.
«Nyukasl loyihasi jozibador, chunki u asosga ega. Bu yerda «Arsenal»dan farqli ravishda jamoa qurish osonroq.
«Arsenal»da jamoani noldan qurishni boshlash uchun avvaliga hamma narsani yo‘q qilish kerak edi. «Nyukasl»da bunday narsa yo‘q va menga shunday klubdan boshlash g‘oyasi yoqqandi.
Premyer-liga barcha uchun, murabbiylar uchun jozibali liga. Shu bois «Nyukasl» menga qo‘ng‘iroq qilganida, Angliyaga qaytish, jiddiy loyiha ustida ish boshlash imkoniyati haqida ko‘p o‘yladim. Men uchun bu g‘urur, qoniqish manbai edi va men buni qadrladim. Lekin menimcha, biz taklifni tinglab, keyin ko‘rib chiqishimiz kerak.
Men bu taklif haqida o‘yladim va "Vilyarreal" prezidenti Fernando Roig bilan gaplashdim. Ammo mavsum o‘rtasida «Vilyarreal» bilan Chempionlar ligasida o‘ynaganimizni ham hisobga olishim kerak edi. Yakunda «Vilyarreal»ga va «Nyukasl»ga katta hurmat bilan shu yerda qolishga qaror qildim. Men baxtliman va biz muhim ishni bajaryapmiz” - dedi Emeri.
