Londonning “Chelsi” klubi ustozi Tomas Tuxel Chempionlar ligasi yarim finalida “Real” bilan o‘tgan yilgi o‘yinlarni esladi. Nemis mutaxassisi chorshanba kuni bo‘lib o‘tadigan o‘yin butunlay boshqacha bo‘lishini qayd etdi.
"To‘g‘risini aytsam, o‘tgan mavsumdagidek bo‘ladi deb o‘ylamayman. O‘tgan yilgi o‘yinlarni tayyorgarlik ko‘rish uchun ko‘rmadim. Balki bu sizning savolingizga javob beradi", dedi Tuxel o‘yin oldidan o‘tkazilgan matbuot anjumanida.
O‘tgan mavsumda Chempionlar ligasi yarim finalida "Chelsi" "Real"ni umumiy hisobda 3:1 hisobida mag‘lub etgandi.
