"Chelsi" bosh murabbiyi Tomas Tuxel "Real" klubiga qarshi Chempionlar ligasining chorak final dastlabki uchrashuvi oldidan "ko‘klar" hech kimga hech narsani isbotlamoqchi emasligini aytdi.

"O‘ylaymanki, bo‘lajak o‘yinning o‘tgan mavsumdagi o‘yinga (Chempionlar ligasi yarim finali nazarda tutilyapti - muallif) hech qanday aloqasi yo‘q. Rostdan ham shunday. Ushbu bellashuvga tayyorganlik ko‘rayotganimizda bu haqda o‘ylamadim. O‘tgan yilgi o‘yinlarni ko‘rmadik. Biz kimgadir nimanidir isbotlab qo‘yish vazifasini belgilamadik.

Biz shuni tushunishimiz kerakki, bunday saviyadagi jamoalar, shunday tajribali futbolchi tajribaga ega bo‘lsalar, o‘zgacha o‘yin o‘tkazishlari mumkin. Biz uchun bu ham alohida voqea, shuning uchun biz juda hayajondamiz. Biz o‘zimizga ko‘p narsalarga qodir ekanligimizni isbotlamoqchimiz. Bu o‘zgacha qarama-qarshilik, raqib ham o‘zgacha. Shu sababli, biz juda ko‘p xavotirdamiz.

Chempionlar ligasi nihoyatda qiyin va talabchan turnir. Bu yerda siz doimo qiyinchiliklarga duch kelishingiz aniq. Ammo boshqa tomondan, bu biz sevadigan musobaqadir. Biz bu musobaqani yaxshi ko‘ramiz. Biz doimo qiyinchiliklar bilan kurashamiz. Biz qiyinchiliklarni yengishni yaxshi ko‘ramiz», - dedi Tuxel UYEFA rasmiy saytiga.