"Челси" бош мураббийи Томас Тухель "Реал" клубига қарши Чемпионлар лигасининг чорак финал дастлабки учрашуви олдидан "кўклар" ҳеч кимга ҳеч нарсани исботламоқчи эмаслигини айтди.
"Ўйлайманки, бўлажак ўйиннинг ўтган мавсумдаги ўйинга (Чемпионлар лигаси ярим финали назарда тутиляпти - муаллиф) ҳеч қандай алоқаси йўқ. Ростдан ҳам шундай. Ушбу беллашувга тайёрганлик кўраётганимизда бу ҳақда ўйламадим. Ўтган йилги ўйинларни кўрмадик. Биз кимгадир ниманидир исботлаб қўйиш вазифасини белгиламадик.
Биз шуни тушунишимиз керакки, бундай савиядаги жамоалар, шундай тажрибали футболчи тажрибага эга бўлсалар, ўзгача ўйин ўтказишлари мумкин. Биз учун бу ҳам алоҳида воқеа, шунинг учун биз жуда ҳаяжондамиз. Биз ўзимизга кўп нарсаларга қодир эканлигимизни исботламоқчимиз. Бу ўзгача қарама-қаршилик, рақиб ҳам ўзгача. Шу сабабли, биз жуда кўп хавотирдамиз.
Чемпионлар лигаси ниҳоятда қийин ва талабчан турнир. Бу ерда сиз доимо қийинчиликларга дуч келишингиз аниқ. Аммо бошқа томондан, бу биз севадиган мусобақадир. Биз бу мусобақани яхши кўрамиз. Биз доимо қийинчиликлар билан курашамиз. Биз қийинчиликларни енгишни яхши кўрамиз», - деди Тухель УЕФА расмий сайтига.
