«Vilyarreal» bosh murabbiyi Unai Emeri Chempionlar ligasining chorak final dastlabki uchrashuv doirasida "Bavariya"ga qarshi bo‘lib o‘tadigan o‘yin oldidan raqibni hurmat qilishini, ammo jamoasida ham imkoniyat borligini aytdi.

"Biz o‘z uy stadionimizda o‘zgacha, betakror lahzalarni boshdan kechirishni istaymiz. Imkoniyatlarimiz bor, ulardan to‘g‘ri foydalanishimiz kerak. Biz "Bavariya"ni juda hurmat qilamiz, lekin biz o‘z kuchimizdan unumli foydalanishga harakat qilamiz. Birinchidan, o‘z maydonimizda o‘ynaymiz, javob o‘yini oldidan intrigani saqlab qolish uchun hamma narsani qilishimiz kerak. Bizda Myunxenga tashrif arafasida muvaffaqiyatga erishish imkoni bor. "Bavariya" yaqqol favorit va juda kuchli jamoa ekanligini bilib, bu o‘yindan zavq olishimiz kerak”, — dedi Emeri UYEFA rasmiy saytiga.