«Вильярреал» бош мураббийи Унаи Эмери Чемпионлар лигасининг чорак финал дастлабки учрашув доирасида "Бавария"га қарши бўлиб ўтадиган ўйин олдидан рақибни ҳурмат қилишини, аммо жамоасида ҳам имконият борлигини айтди.
"Биз ўз уй стадионимизда ўзгача, бетакрор лаҳзаларни бошдан кечиришни истаймиз. Имкониятларимиз бор, улардан тўғри фойдаланишимиз керак. Биз "Бавария"ни жуда ҳурмат қиламиз, лекин биз ўз кучимиздан унумли фойдаланишга ҳаракат қиламиз. Биринчидан, ўз майдонимизда ўйнаймиз, жавоб ўйини олдидан интригани сақлаб қолиш учун ҳамма нарсани қилишимиз керак. Бизда Мюнхенга ташриф арафасида муваффақиятга эришиш имкони бор. "Бавария" яққол фаворит ва жуда кучли жамоа эканлигини билиб, бу ўйиндан завқ олишимиз керак”, — деди Эмери УЕФА расмий сайтига.