«Inter» klubi o‘z darvozaboni Samir Xandanovichga bir yillik shartnoma taklif qildi, deb xabar bermoqda Tuttosport. Futbolchining o‘zi esa ikki yillik shartnoma taklif qilinishini xohlamoqda.
Manbaga ko‘ra, tomonlar muzokaralarni davom ettirishmoqda. Katta ehtimol bilan 37 yoshli darvozabonning maoshi kamayadi. Hozir Xandanovichning maoshi mavsumiga 4 million yevroni tashkil qiladi. «Inter» futbolchiga faqat bir yillik shartnoma taklif qilishga tayyor.
Xandanovich «Inter» safida 2012 yilning iyulidan buyon to‘p suradi. 2021/22 yilgi mavsumda u 38 ta o‘yinda 30 ta gol o‘tkazib yubordi va 17 ta o‘yinda o‘z darvozasi dahlsizligini saqlab qoldi. Darvozabonning klub bilan shartnomasi 2022 yilning iyun oyida yakuniga yetadi.
