«Vilyarreal» bosh murabbiyi Unai Emeri «Bavariya»ga qarshi Chempionlar ligasi 1/4 final birinchi o‘yini oldidan jamoaning kayfiyati haqida gapirdi.

«Birinchi navbatda o‘yinchilar kimga qarshi o‘ynashlari haqida hamma narsani bilishlari uchun har tomonlama tahlil qilish kerak», dedi Emeri UYEFA rasmiy saytiga.

U o‘yinchilarga tahlil qilish uchun imkon qadar ko‘proq ma’lumot berishni afzal ko‘rishini ta’kidladi.

«Biz o‘zimizdan kuchli jamoalarni mag‘lub eta olamiz. Buning yagona yo‘li - o‘yindan o‘yinga o‘tish, ishdan zavq olish va oxiri haqida o‘ylamaslikdir. Nima yutishimiz haqida o‘ylamayapmiz», - deydi Emeri.