«Вильярреал» бош мураббийи Унаи Эмери «Бавария»га қарши Чемпионлар лигаси 1/4 финал биринчи ўйини олдидан жамоанинг кайфияти ҳақида гапирди.
«Биринчи навбатда ўйинчилар кимга қарши ўйнашлари ҳақида ҳамма нарсани билишлари учун ҳар томонлама таҳлил қилиш керак», деди Эмери УЕФА расмий сайтига.
У ўйинчиларга таҳлил қилиш учун имкон қадар кўпроқ маълумот беришни афзал кўришини таъкидлади.
«Биз ўзимиздан кучли жамоаларни мағлуб эта оламиз. Бунинг ягона йўли - ўйиндан ўйинга ўтиш, ишдан завқ олиш ва охири ҳақида ўйламасликдир. Нима ютишимиз ҳақида ўйламаяпмиз», - дейди Эмери.