«Lester» hujumchisi Jeymi Vardi "PSV" jamoasiga qarshi Konferensiya ligasi 1/4 final dastlabki o‘yinini o‘tkazib yuboradi. Bu haqda jamoa bosh murabbiyi o‘yindan oldin o‘tkazilgan matbuot anjumanida aytib o‘tdi.
Angliyalik futbolchi tizzasidan olgan jarohati tufayli mart oyining boshidan buyon maydonga tushmayapti va 2022 yil hisobidan bor-yo‘g‘i 79 daqiqa o‘ynadi.
“Qaytish sanasini belgilash qiyin. U hali ham tizzasida og‘riqni his qilmoqda. U yugurishi va ko‘chada yurishi mumkin, lekin u to‘pga tegsa muammo yuzaga kelmoqda, shuning uchun biz buni ko‘rib chiqishimiz kerak. Nima bo‘lganini bilish uchun shifokorlar guruhi bilan gaplashishim kerak, ammo u maydonga qaytishga unchalik yaqin emasga o‘xshaydi", dedi "Lester" bosh murabbiyi Brendan Rojers.
