«Barselona» yozgi transfer oynasi vaqtida «Bavariya» hujumchisi Robert Levandovskini sotib olmoqchi.

AS nashri xabariga ko‘ra, Kataloniya klubi bu kelishuvga Serjinyo Destni qo‘shishga tayyor. Amerikalik futbolchi o‘tgan mavsum «Bavariya» qiziqishlari doirasiga tushgandi. Ammo noma’lum sabablarga ko‘ra, bu transfer amalga oshmagan.

Oldinroq Levandovskining o‘zi Kataloniya klubiga o‘tishga rozi bo‘lgani xabar qilingandi. Bu qaror polshalik hujumchiga yangi shartnoma taklif qilgan va yulduzni klubda saqlab qolmoqchi bo‘lgan «Bavariya»ga bog‘liq. Agar nemis klubi uni olib qolishni istamasa, futbolchi yozda «ko‘k-anorranglilar» safiga o‘tishi mumkin.