«Барселона» ёзги трансфер ойнаси вақтида «Бавария» ҳужумчиси Роберт Левандовскини сотиб олмоқчи.
АS нашри хабарига кўра, Каталония клуби бу келишувга Сержиньо Дестни қўшишга тайёр. Америкалик футболчи ўтган мавсум «Бавария» қизиқишлари доирасига тушганди. Аммо номаълум сабабларга кўра, бу трансфер амалга ошмаган.
Олдинроқ Левандовскининг ўзи Каталония клубига ўтишга рози бўлгани хабар қилинганди. Бу қарор польшалик ҳужумчига янги шартнома таклиф қилган ва юлдузни клубда сақлаб қолмоқчи бўлган «Бавария»га боғлиқ. Агар немис клуби уни олиб қолишни истамаса, футболчи ёзда «кўк-анорранглилар» сафига ўтиши мумкин.
