«Ayntraxt» yarim himoyachisi Daiti Kamada Yevropa ligasi 1/4 finalida «Barselona»ga qarshi o‘yindan oldingi fikrlari bilan o‘rtoqlashdi.

Yaponiyaning "Gamba Osaka" yoshlar jamoasida o‘ynaganimda doim "Barselona"ning o‘yinlarini kuzatardim. Bir yili Ispaniyaga bordik, u yerda "Barselona"ga qarshi o‘ynadik. Men Andres Inyesta va Xavi Ernandeslarni kuzatib, o‘z o‘yin uslubimni aniqladim.

Qur’a tashlash marosimida jamoamiz «Barselona» jamoasiga qarshi o‘ynashimiz aniq bo‘lganida butun jamoaning orzusi ushaldi. Biz o‘sha paytda o‘zimizni baxtli his qildik. Mavsum boshida "Barselona"da muammolar bor edi. Lekin hozir hammasi yaxshilanganga o‘xshaydi, raqibimiz yana o‘zining uslubida o‘ynayapti.

Ishonchim komilki, biz hammani va hamma narsani yengishga qodirmiz. «Ayntraxt» har yili «Bavariya»ga qarshi o‘ynaydi va kamida bitta o‘yinda g‘alaba qozonadi. Shunday ekan, biz ijobiy natijaga erisha olishimizga shubha qilmaymiz», - dedi Kamada UYEFA rasmiy saytiga.