«Айнтрахт» ярим ҳимоячиси Даити Камада Европа лигаси 1/4 финалида «Барселона»га қарши ўйиндан олдинги фикрлари билан ўртоқлашди.
Япониянинг "Гамба Осака" ёшлар жамоасида ўйнаганимда доим "Барселона"нинг ўйинларини кузатардим. Бир йили Испанияга бордик, у ерда "Барселона"га қарши ўйнадик. Мен Андрес Иньеста ва Хави Эрнандесларни кузатиб, ўз ўйин услубимни аниқладим.
Қуръа ташлаш маросимида жамоамиз «Барселона» жамоасига қарши ўйнашимиз аниқ бўлганида бутун жамоанинг орзуси ушалди. Биз ўша пайтда ўзимизни бахтли ҳис қилдик. Мавсум бошида "Барселона"да муаммолар бор эди. Лекин ҳозир ҳаммаси яхшиланганга ўхшайди, рақибимиз яна ўзининг услубида ўйнаяпти.
Ишончим комилки, биз ҳаммани ва ҳамма нарсани енгишга қодирмиз. «Айнтрахт» ҳар йили «Бавария»га қарши ўйнайди ва камида битта ўйинда ғалаба қозонади. Шундай экан, биз ижобий натижага эриша олишимизга шубҳа қилмаймиз», - деди Камада УЕФА расмий сайтига.
