«Barselona» bosh murabbiyi Xavi Yevropa ligasi doirasida «Ayntraxt» (1:1) jamoasiga qarshi bo‘lib o‘tgan o‘yindan keyingi fikrlari bilan o‘rtoqlashdi.

“Jismoniy tayyorgarlik borasida juda qiyin raqib. Biz ularning qarshi hujumlarini qanday oldini olishni bilmadik, odatdagidek harakatchan bo‘lmadik, shuningdek, maydonning ham holati yaxshi emas edi.

Biz odatdagidan kamroq vaziyatlar yaratdik, ammo natijadan qoniqish hosil qildik. Ko‘pincha tashabbusga ega bo‘lgan jamoa ko‘proq imkoniyat yaratadi, ammo bugun boshqacha bo‘ldi. Biz ularning qarshi hujumlarini o‘tkazib yubordik. Ammo bu Yevrokubok o‘yinlari va bu yerda qiyinchiliklar bo‘ladi.

Biz qanotlarda o‘ynash orqali ko‘plab vaziyatlar yaratdik. Kiritgan golimiz mahorat evaziga sodir bo‘ldi va ajoyib chiqdi.

«Kamp Nou»da qiyin bo‘ladi, ammo muxlislarimiz biz bilan birga bo‘lishadi.

Pikeni anchadan beri qiynayotgan muammo bor edi, umid qilamanki, bundan boshqa hech narsa yo‘q”, - dedi Xavi.