Joze Mourinyo «Bude-Glimt»ga qarshi o‘yindan keyingi fikrlari bilan o‘rtoqlashdi.

«Roma» Konferensiya ligasi 1/4 finalining dastlabki o‘yinida Norvegiya klubiga 1:2 hisobida imkoniyatni boy berdi.

“Ular ikkita goligi standart vaziyatdan va "rikoshet"dan kiritishdi. Biz ham standart vaziyatlardan ko‘p gollar uramiz, lekin bunday gol o‘tkazib yuborish emas, shunday gol urish yaxshi. Birinchi gol kulgili bo‘ldi.

To‘g‘risini aytsam, meni ko‘proq Manchinining jarohati xavotirga solmoqda. Bu meni bezovta qiladi, bu sun’iy qoplamali maydonda o‘ynashdan kelib chiqadi.

Biz 2:1 hisobida mag‘lub bo‘ldik, ammo javob o‘yinini «Olimpiko»da, o‘z muxlislarimiz ko‘z o‘ngida o‘tkazamiz va bizni yarim finalga chiqish uchun favorit deb bilaman deb bemalol ayta olaman.

Men o‘z futbolchilarimga, stadionga, muxlislarimizni qo‘llab-quvvatlashiga to‘liq ishonaman. Ochig‘i, «Bude-Glimt» kuchli jamoa, ammo javob o‘yinida ham yaxshi bosh hakam va yordamchi hakamlar bo‘lishiga ishonaman.

Ularga qarshi Rimda o‘ynaganimizda hakam ikkita yaqqol penaltini ko‘rmagandi, bugun esa hakamlar ikkita hujumimizni offsayd deb to‘xtatib qoldi. Birinchi bo‘lim kulgili vaziyatda yakunlandi, Autdan to‘p o‘yinga kiritilgan vaziyatda qayd etilgan offsayd hakamlarning qanday saviyada ekanliklarini ko‘rsatib qo‘ydi», - dedi «Roma» bosh murabbiyi Sky Sport Italia bilan suhbatda.