Жозе Моуриньо «Буде-Глимт»га қарши ўйиндан кейинги фикрлари билан ўртоқлашди.
«Рома» Конференция лигаси 1/4 финалининг дастлабки ўйинида Норвегия клубига 1:2 ҳисобида имкониятни бой берди.
“Улар иккита голиги стандарт вазиятдан ва "рикошет"дан киритишди. Биз ҳам стандарт вазиятлардан кўп голлар урамиз, лекин бундай гол ўтказиб юбориш эмас, шундай гол уриш яхши. Биринчи гол кулгили бўлди.
Тўғрисини айтсам, мени кўпроқ Манчинининг жароҳати хавотирга солмоқда. Бу мени безовта қилади, бу сунъий қопламали майдонда ўйнашдан келиб чиқади.
Биз 2:1 ҳисобида мағлуб бўлдик, аммо жавоб ўйинини «Олимпико»да, ўз мухлисларимиз кўз ўнгида ўтказамиз ва бизни ярим финалга чиқиш учун фаворит деб биламан деб бемалол айта оламан.
Мен ўз футболчиларимга, стадионга, мухлисларимизни қўллаб-қувватлашига тўлиқ ишонаман. Очиғи, «Буде-Глимт» кучли жамоа, аммо жавоб ўйинида ҳам яхши бош ҳакам ва ёрдамчи ҳакамлар бўлишига ишонаман.
Уларга қарши Римда ўйнаганимизда ҳакам иккита яққол пенальтини кўрмаганди, бугун эса ҳакамлар иккита ҳужумимизни оффсайд деб тўхтатиб қолди. Биринчи бўлим кулгили вазиятда якунланди, Аутдан тўп ўйинга киритилган вазиятда қайд этилган оффсайд ҳакамларнинг қандай савияда эканликларини кўрсатиб қўйди», - деди «Рома» бош мураббийи Sky Sport Italia билан суҳбатда.
