«Yuventus» «Lasio» yarim himoyachisi Sergey Milinkovich-Savich transferi uchun boshqa klublar bilan kurashda favorit hisoblanadi.

27 yoshli serbiyalik futbolchiga «Manchester Yunayted» ham qiziqish bildirmoqda, Gazzetta dello Sport nashri xabariga ko‘ra, inglizlar «Yuventus» jamoasining jiddiy raqobatiga dosh berishiga to‘g‘ri keladi. Manbaga ko‘ra, ayni paytda yarim himoyachi uchun kurashda aynan Italiya klubi yetakchilik qilmoqda.

Milinkovich-Savichning «Lasio» bilan shartnomasi 2024 yilning yoziga qadar mo‘ljallangan. Joriy mavsumda u rimliklar safida barcha musobaqalarda 40 ta o‘yin o‘tkazib, 9 marta raqiblar darvozasini ishg‘ol qilgan va 10 marta assistentlik qilgan.