«Ювентус» «Лацио» ярим ҳимоячиси Сергей Милинкович-Савич трансфери учун бошқа клублар билан курашда фаворит ҳисобланади.
27 ёшли сербиялик футболчига «Манчестер Юнайтед» ҳам қизиқиш билдирмоқда, Gazzetta dello Sport нашри хабарига кўра, инглизлар «Ювентус» жамоасининг жиддий рақобатига дош беришига тўғри келади. Манбага кўра, айни пайтда ярим ҳимоячи учун курашда айнан Италия клуби етакчилик қилмоқда.
Милинкович-Савичнинг «Лацио» билан шартномаси 2024 йилнинг ёзига қадар мўлжалланган. Жорий мавсумда у римликлар сафида барча мусобақаларда 40 та ўйин ўтказиб, 9 марта рақиблар дарвозасини ишғол қилган ва 10 марта ассистентлик қилган.
