«PSJ» bosh murabbiyi Maurisio Pochettino hujumchi Kilian Mbappening kelajagi haqida o‘z fikrlari bilan o‘rtoqlashdi.
«Biz Mbappe va klub uchun eng yaxshilarini ra’vo ko‘ramiz. «PSJ» uchun eng yaxshisi - Kilian qolishi. Men uni «Klermon»ga qarshi o‘yinda potensial sardor sifatida ko‘raman», — deya Pochettino so‘zlarini keltirgan jurnalist Adrian GrenYE.
Oldinroq «PSJ» hujumchiga keyingi ikki mavsum uchun 150 million yevro to‘lashga tayyorligi xabar qilingandi. Bu yozda Mbappe erkin agentga aylanishi mumkin.
U joriy mavsum chempionatda 27 ta o‘yinda maydonga tushib, 17 ta gol va 13 ta golli uzatmani amalga oshirdi. Ayni paytda Fransiya chempionati turnir jadvalida parijliklar peshqadamlik qilmoqda.
