«ПСЖ» бош мураббийи Маурисио Почеттино ҳужумчи Килиан Мбаппенинг келажаги ҳақида ўз фикрлари билан ўртоқлашди.

«Биз Мбаппе ва клуб учун энг яхшиларини раъво кўрамиз. «ПСЖ» учун энг яхшиси - Килиан қолиши. Мен уни «Клермон»га қарши ўйинда потенциал сардор сифатида кўраман», — дея Почеттино сўзларини келтирган журналист Адриан Гренье.

Олдинроқ «ПСЖ» ҳужумчига кейинги икки мавсум учун 150 миллион евро тўлашга тайёрлиги хабар қилинганди. Бу ёзда Мбаппе эркин агентга айланиши мумкин.

У жорий мавсум чемпионатда 27 та ўйинда майдонга тушиб, 17 та гол ва 13 та голли узатмани амалга оширди. Айни пайтда Франция чемпионати турнир жадвалида парижликлар пешқадамлик қилмоқда.