«Napoli» hujumchisi Viktor Osimxen guruh mashg‘ulotlariga qaytdi va Italiya chempionatining 32-turi doirasidagi «Fiorentina»ga qarshi o‘yingacha tiklanishi mumkin, deb xabar beradi Football Italia.
6 aprel kuni 23 yoshli nigeriyalik bel qismidagi muammolar tufayli mashg‘ulotni muddatidan oldin yakunladi. Ertasi kuni o‘tkazilgan tekshiruvlarda hech qanday jiddiy muammo yo‘qligi aniqlandi.
2021/22 yilgi mavsumda Osimxen «Napoli» safida 25 o‘yinda 15 ta gol va 4 ta golli uzatmani amalga oshirdi.
«Napoli» – «Fiorentina» uchrashuvi 10 aprel kuni, Toshkent vaqti bilan soat 18.00da boshlanadi.
