«Наполи» ҳужумчиси Виктор Осимхен гуруҳ машғулотларига қайтди ва Италия чемпионатининг 32-тури доирасидаги «Фиорентина»га қарши ўйингача тикланиши мумкин, деб хабар беради Football Italia.
6 апрель куни 23 ёшли нигериялик бел қисмидаги муаммолар туфайли машғулотни муддатидан олдин якунлади. Эртаси куни ўтказилган текширувларда ҳеч қандай жиддий муаммо йўқлиги аниқланди.
2021/22 йилги мавсумда Осимхен «Наполи» сафида 25 ўйинда 15 та гол ва 4 та голли узатмани амалга оширди.
«Наполи» – «Фиорентина» учрашуви 10 апрель куни, Тошкент вақти билан соат 18.00да бошланади.
