"Manchester Yunayted" himoyachisi Diogo Dalot APL doirasidagi "Everton"ga qarshi o‘yin oldidan jurnalistlar bilan suhbatlashdi.
“Kelgusi mavsumda Chempionlar ligasida ishtirok etishni istaymiz, shuning uchun biz harakat qilishimiz kerak. Biz o‘yinlarda g‘alaba qozonishimiz kerak va mavsum oxirigacha bor kuchimizni berishimiz kerak", - dedi himoyachi MUTV telekanaliga.
"Everton" bilan haqiqiy o‘yinga kelsak, Dalot diqqatni jamlash zarurligini ta’kidladi.
“Ular ligada qolish uchun kurashmoqda. Biz juda o‘tkir bo‘lishimiz, nima qilishimiz kerakligiga to‘liq e’tibor qaratishimiz zarur", dedi Dalot.
