"Lion" "Tottenxem"dan yarim himoyachi Tanguy Ndombeleni sotib olish variantidan foydalanmaydi.

Daily Mail xabariga ko‘ra, fransuz klubi ijara muddati tugaganidan keyin futbolchini 54 million funtga sotib olishga tayyor emas.

Eslatib o‘tamiz, "Lion" 25 yoshli Ndombeleni "Tottenxem"dan 2021/22 yilgi mavsum oxirigacha ijaraga olgan. 2019 yilning iyulida “shporlar” yarim himoyachini fransuz klubidan 60 million yevroga sotib olgan edi.

Yarim himoyachi “Lion” safida 9 ta o‘yin o‘tkazib, bitta gol urdi va ikkita golli uzatmani amalga oshirdi.