Madridning «Atletiko» klubi bosh murabbiyi Diyego Simeone jamoasining haddan tashqari himoyaviy o‘yini haqidagi tanqidlarga javob berdi.
«Atletiko» Chempionlar ligasining chorak finali dastlabki uchrashuvida «Manchester Siti» jamoasiga 0:1 hisobida mag‘lub bo‘ldi va bu bellashuvda o‘ta himoyalangan futbolni namoyish etdi. Shu sababli, mashhur italiyalik sobiq murabbiy Arrigo Sakki Simeone jamoasini tanqid qildi.
“Men boshqalar haqida o‘z fikrimni bildirmayman. Har kim hamma narsani o‘ziga xos tarzda ko‘radi, har qanday yondashuvni hurmat qilish kerak. Biz «Atletiko» uchun eng yaxshisini qilishga harakat qilib, kamtarlik bilan ishlashda davom etamiz. Chempionat Chempionlar ligasidan tubdan farq qiladi, endi bor e’tiborimizni «Malyorka» jamoasiga qarshi bo‘ladigan o‘yinga qaratganmiz" - dedi argentinalik mutaxasis "Malyorka" jamoasiga qarshi bo‘lib o‘tadigan uchrashuvdan oldin tashkil etilgan matbuot anjumanida.
