O‘zbekiston Kubogi 1-turidan o‘rin egallagan “Metallurg” – “Bunyodkor” (2:4) uchrashuvidan keyin “qaldirg‘ochlar” katta murabbiyi Viktor Karpenko fikrlari bilan o‘rtoqlashdi.
- Murosasiz uchrashuv guvohiga aylandik. 6 ta gol, 2 ta chetlatish. O‘ylaymanki, uchrashuv muxlislarga yoqdi. Ikki jamoa ham g‘alaba uchun borini berdi. Ko‘proq bizga omad kulib boqdi. “Metallurg”ga keyingi o‘yinlarda omad tilayman! Biz uy o‘yinmi, mehmon o‘yinmi, ajratmaymiz. Har biriga jiddiy yondashamiz. Faqat g‘alaba uchun maydonga tushamiz. Bugun rotasiyaga qo‘l urdik. Ko‘pchilikka imkoniyat berdik. Hech kim tarkibdan tushib qolmadi. Biz bir jamoamiz va 23 futbolchi o‘ynashga qodir. Asosiy tarkib, ikkinchi tarkib sifatida ajratmaymiz. Har bir futbolchi saralab olingan va har qanday vaqtda jamoa safida o‘ynashi mumkin bo‘ladi" - dedi Karpenko.
